བཀའ་བློན་ཁྲི་པ་དང་སྤྱི་འཐུས་ཀྱི་སྔོན་འགྲོའི་འོས་མི་གསལ་བསྒྲཊ།
དེ་རིང་ཞོགས་པའི་ཆུ་ཚོད་ ༡༠ སྟེང་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་བོད་གཞུང་འོས་བསྡུ་ལྷན་ཁང་གིས་སྐབས་བཅོ་ལྔ་བའི་བོད་མི་མང་སྤྱི་འཐུས་དང་། སྐབས་བཅུ་བཞི་བའི་བཀའ་བློན་ཁྲི་པའི་སྔོན་འགྲོའི་འོས་མི་ཁག་གསལ་བསྒྲགས་བསྐྱངས་ཡོད། ཐེངས་འདིའི་གསལ་བསྒྲགས་ནང་། སྐབས་བཅུ་བཞི་བའི་བཀའ་བློན་ཁྲི་པའི་འོས་མི་ ༦ དང་། སྐབས་བཅོ་ལྔ་བའི་སྤྱི་འཐུས་འོས་མིའི་ཁོངས་སུ། ཆོལ་ཁ་རེར་ ༥༠ རེ་དང་ཆོས་བརྒྱུད་རེར་ ༡༠ རེ། བྱང་ཨ་རི་དང་ཁེ་ན་ཌ་ཁུལ་དུ་ ༡༠ དང་། ཡུ་རོབ་ཁུལ་དུ་ ༡༠ བཅས་གསལ་བསྒྲགས་བསྐྱངས་སོང་།
ཐེངས་འདིའི་བཀའ་བློན་ཁྲི་པའི་འོས་མི་དྲུག་གི་ཨང་རིམ་ནི། ཨང་དང་པོ་ཁྲིམས་ལུགས་མཁས་པ་བློ་བཟང་སེང་གེ་ལགས་སུ་འོས་གྲངས་ ༢༢༤༨༩ དང་། ཨང་གཉིས་པ་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་སུ་འོས་གྲངས་ ༡༢༣༡༩ ། ཨང་གསུམ་པ་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་ལགས་སུ་འོས་གྲངས་ ༢༧༣༣ །ཨང་བཞི་བ་བཀའ་ཟུར་བཀྲ་ཤིས་དབང་འདུས་ལགས་སུ་འོས་གྲངས་ ༢༡༠༡ ། ཨང་ལྔ་བ་སྐུ་སྒེར་དྲུང་ཆེ་ཟུར་བ་བློ་བཟང་སྦྱིན་པ་ལགས་སུ་འོས་གྲངས་ ༡༥༤༥། ཨང་དྲུག་པ་འཁོར་ལྷ་ཚང་བསོད་ནམས་སྟོབས་རྒྱལ་ལགས་སུ་འོས་གྲངས་ ༦༠༥ བཅས་རེད།
སྐབས་བཅོ་ལྔ་བའི་མདོ་སྟོད་སྤྱི་འཐུས་འོས་མི་ཁག་ནི།
ཨང་དང་པོ་འབའ་བ་སྐལ་བཟང་རྒྱལ་མཚན། ཨང་གཉིས་པ་འཇུ་ཆེན་དཀོན་མཆོག ཨང་གསུམ་པ་སེར་རྟ་ཚུལ་ཁྲིམས། ཚུལ་ཁྲིམས་བསྟན་འཛིན། བཀྲིས་དབང་འདུས། དགེ་བཤེས་གཡུང་དྲུང་རྒྱལ་མཚན། དབུ་དཀར་ཚང་གཡུ་སྒྲོན། གངས་ལྷ་མོ། ཆོས་སྐྱོང་དབང་ཕྱུག བློ་བཟང་ཡེ་ཤེས། རྡོ་རྗེ་དབང་འདུས། འཇམ་དབྱངས་བཟོད་པ། བསྟན་འཛིན་ནོར་བུ། སྒ་པ་ལྷ་མོ། སྨར་ཁམས་ཆོས་འཕེལ། ཆོས་འཕེལ་ཐུབ་བསྟན། པདྨ་བདེ་ལེགས། དབྱངས་ཅན་སྒྲོལ་དཀའ། གྲའུ་ཚེ་བརྟན། ཟླ་བ་སྒྲོལ་མ། ཀརྨ་མཁས་གྲུབ། རིན་ཆེན་མཁའ་འགྲོ གོ་བོ་བློ་བཟང་ཕན་བདེ། བྲག་གཡབ་བཀྲིས་རྣམ་རྒྱལ། ངག་དབང་བསྟན་པ། གཡང་འཛོམས་སྒྲོལ་དཀར། བསོད་ནམས་དཔལ་མོ། ནང་ཆེན་བསྟན་འཛིན། ཨ་རྡོ། ངག་དབང་འོད་འབར། ཀརྨ་གཡུལ་རྒྱལ། སྐལ་བཟང་ཆོས་སྐྱིད། སེར་སྨད་བློ་དགའ། ནོར་བུ་ཚེ་རིང་། ཚེ་རིང་དབང་ཕྱུག ཚེ་དབང་བསྟན་འཛིན། ཕུར་པ་ཚེ་རིང་སྟོབས་རྒྱལ། སྐྱུ་ར་དཔལ་རྡོར། ཚེ་རིང་བདེ་སྐྱིད།བཀྲིས་བདེ་ལེགས། ཡེ་ཤེས་ཆོས་བཟང་། དོན་གྲུབ་ལྷ་དར། འཇམ་དཔལ་རྒྱ་མཚོ། བསོད་ནམས་ཆོས་སྒྲོན། སྐལ་བཟང་ནོར་བུ། ཚེ་བརྟན་རྡོ་རྗེ། ཨ་འབྲུག་ཆོས་སྐྱིད།བཟང་མཁན་མཁས་གྲུབ། དཀོན་མཆོག་ནོར་བུ། ངག་དབང་ཐར་བ་བཅས་ཡིན་ཞིང་། འོས་གྲངས་མཐོ་ཤོས་ལ་འོས་གྲངས་ ༦༦༦༩ དང་། དམའ་ཤོས་ལ་འོས་གྲངས་ ༣༡༠ བཅས་རེད།
དགེ་ལུགས་སྤྱི་འཐུས་འོས་མི་ཁག་ནི།
རོང་བོ་བློ་བཟང་སྙན་གྲགས་ལ་འོས་གྲངས་ ༡༢༢༨ ། ཨ་ཀྲུག་ཚེ་བརྟན་ལ་འོས་གྲངས་ ༡༢༢༨། དགེ་བཤེས་བེ་རི་འཇིགས་མེད་དབང་རྒྱལ་ལ་འོས་གྲངས་ ༨༠༡། དགེ་བཤེས་བློ་བཟང་ལ་འོས་གྲངས་ ༥༢༩། འཁྲུངས་གསར་རིན་པོ་ཆེ་བསྟན་འཛིན་དཔལ་ལྡན་འོས་གྲངས་ ༣༩༣། དགེ་བཤེས་བསྟན་འཛིན་དར་རྒྱས་ལ་འོས་གྲངས་ ༢༧༠། དགེ་བཤེས་ཕུར་བུ་བསམ་འགྲུབ་ལ་འོས་གྲངས་ ༢༡༦། དཔལ་ལྡན་ཆོས་གྲགས་ལ་འོས་གྲངས་ ༡༩༣། དགེ་བཤེས་གྲགས་པ་བསྟན་འཛིན་བདེ་མཆོག་འོས་གྲངས་ ༡༣༥། བློ་བཟང་ཕན་བདེ་ལ་འོས་གྲངས་ ༨༤ བཅས་རེད། དུས་བབ་ལས་བཤུས།
